Бүгін елімізде алғашқы тарихи күн!

25 шілде Елімізде алғаш рет ауыл әкімдерінің тікелей сайлауы өтеді.

Қазіргі таңда ауыл әкімі лауазымына аудан бойынша 6 үміткер болып отыр. Жергілікті басқару мен өзін-өзі басқаруды реформалау бірқатар стратегиялық міндеттерді шешуге бағытталады:

1. Жергілікті өзін-өзі басқару органдарын сайлауды ашық мемлекеттік басқару қағидаты ретінде енгізу және «Халық үніне құлақ асатын мемлекет» тұжырымдамасын іске асыру;

2. Азаматтардың ауылдық аумақтарды дамытуға және жергілікті маңызы бар мәселелерді шешуге қатысу мүмкіндігін кеңейту;

3. Атқарушы және заңнамалық өкілеттіктерді төменгі деңгейге кезең-кезеңімен беру;

4. Ауыл әкімдерін тікелей сайлау кезінде партиялардың өкілеттіктерін кеңейту арқылы саяси бәсекелестікті дамыту.

Сондықтан, бәріңізді 2021 жылдың 25 шілдесінде өз учаскелеріңізде өтетін сайлауға белсене атсалысып, өз таңдауларыңызды жасауға шақырамын!